السيسي عن أزمة سد النهضة : «أقلقوا.. لكن متستعجلوش»
أزمة سد النهضة | تطرق الرئيس عبدالفتاح السيسي، في كلمته خلال افتتاح عدد من مشروعات تطوير قناة السويس، إلى ملف السد الإثيوبي.
وقال الرئيس : «نيجي لنقطة تانية، إنتو قالقكم يا مصريين، وقالقني أنا كمان، واتكلمت فيها قبل كده، موضوع السد والتفاوض بشأنه».
أزمة سد النهضة
وأضاف «السيسي»: «أنا كل اللي هقول لكم حاجة واحدة بس، إنتم من فضلكم اقلقوا ده طبيعي لأن ده حياة، لكن لازم تكونوا متأكدين إن مسار التفاوض محتاج صبر وتأني، متستعجلوش النتايج».
وتابع: «لكن واثقين من الله سبحانه وتعالى وفي بلدكم وفي قدراتها إن الحفاظ على حقوق مصر المائية ده أمر زي ما قولت قبل كده مش ممكن حد هيتجاوزه، بس متستعجلوش، كل الأمور ليها ترتيبها وتدبيرها، والتفاوض عملية شاقة وصعبة، واحنا بنضغط».
ولفت الرئيس إلى أنه سعيد باهتمام المصريين بقضايا أمنهم القومي، مضيفا: «القلق اللي أنتو فيه قلق مقدر ومشروع، وأنا سعيد به، لأن اهتمامكم ببلادكم أمر رائع، ولازم تكونوا متأكدين إن حقوقنا لن يتم التفريط فيها».
واستكمل: «وزي ما أنتوا شوفتوا يمكن خلال الأسبوع أو العشر ايام الماضيين استقبلنا مبعوث أمريكي للقرن الأفريقي واستقبلنا الرئيس الكونغولي رئيس الاتحاد الأفريقي عشان نتكلم في الموضوع والجهد والحركة ماشية، إن احنا نصل لحل هذه المسألة اللي بنعتبرها من المسائل الحساسة جدا والمهمة».
اقرأ ايضا: أسامة ربيع: «551 مليون دولار إيرادات قناة السويس في أبريل 2021»
