النقل الثقيل | أكيد شوفت قبل كده وانتا ماشي عربية محملة اكتر من الحمولة القانونية بتاعتها علي الطريق أو ناس ممكن بتخرب وبتعمل مطب بشكل عشوائي قدام بيتهم او شركته أو حادثة كبيرة بسبب السرعة .
ده كله بياثر على حقك وبيودي الاقتصاد المصري في داهية ويمكن ده من ضمن الأسباب اللي بيخلى مصر مديونة أكتر، طيب أزاي ده كله بيحصل ، كل الحجات اللي أنا قولتهالك من حوادث وعربيات محملة بأكتر من الحمولة اللي الدولة محدادها بيأثر على العمر الافتراضي للطريق وده بيخليه يحتاج صيانة بشكل دوري بمليارات الجنيهات .
أنا هاقولك الأول الدولة بتصرف قد ايه علي الطرق سنويا ، وفقا للاخر احصائيات معلنة المبلغ قرب على 3 مليار جنيه بيتم إنفاقهم سنويا لتطوير 1047 طريق ، يعني تقريبا نسبة 90 % من إجمالي الطرق في مصر واللي بسبب التجاوزات القانونية اللي على الطريق زاد معدل إهلاك الطرق.
ومن ضمن الأسباب اللي بتؤدي إلى إتلاف الطرق بسرعة حوادث السرعة الزائدة وخاصة على الطرق السريعة واللي وصلت في آخر إحصائيات للجهاز المركزي للتعبئة العامة والإحصاء إلى قرب الـ 15 ألف حادثة سنويا بتسبب خسائر بتوصل لمليارات .
والأرقام اللي بتصرفها الدولة على الطرق أغلبها بيتأخد من الموزانة العامة للدولة واللي أصلا فيها عجز كبيرة ، يعني الفلوس ديه بتتاخد من المبالغ اللي ممكن تتصرف على حجات كتير أهم زي الصحة والتعليم والسكن.
طيب والدولة بتعمل أيه عشان تقف قدام ده ؟ بالفعل الحكومة رفعت الرسوم على الحمولات الزائدة للسيارات النقل وده عشان تقدر تصرف على الطرق اللي بيتم إهلاكها بشكل سريع، بالإضافة أنه بقى فيه رقابة شديدة على مواعيد سير النقل على الطرق السريعة وتحديدها بـ 6 ساعات بس عشان أهداف كتيرة منها الحفاظ على الطرق.
والحكومة مبتكتفيش بس بأنها تحط عقوبات ولكن هي بتتصرف بشكل كبير وده جيه عن طريق أنها زودت ميزانية الهيئة العامة للطرق والكباري لتصبح 13.2 مليار جنيه في 2019 بزيادة حوالي 3 مليار جنيه ، وده عشان تعمل صيانة للطرق وده طبعا غير الطرق الجديدة اللي عملتها الحكومة في المشروع القومي للطرق واللي طوله 3400 كم بتكلفة 36 مليار جنيه.
إقرأ أيضًا
إزاي الحكومة هتحل مشكلة القمامة في مصر ؟
